Si mund të të ndihmojmë?
Udhëzues dhe përgjigje për digjitalizimin me Qepe, nga logoja e parë te makina.
Si të fillosh
Nga logoja te skedari për makinë në pesë hapa.
Zgjidh makinën
Në shiritin lart zgjidh veshjen dhe makinën tënde. Që atëherë Qepe përdor formatin e skedarit, gjilpërat dhe kornizat e saj.
Hap logon
Skedari › Hap, ose tërhiq skedarin PNG, JPG, SVG, PDF ose AI në dritare. Hapet Digjitalizuesi automatik.
Përgjigju pyetjeve
Madhësia në milimetra, pëlhura, sa ngjyra peri, prerja dhe shkronjat. Qepe e qëndis në ekran.
Kontrollo Cilësinë
Hap Cilësinë, lexo çfarë gjeti dhe shtyp Rregullo të gjitha pa rrezik. Ndrysho çdo gjë me dorë me mjetet në të majtë.
Eksporto
Eksporto shkruan skedarin për makinë dhe e kontrollon. Fleta bën fletën e miratimit dhe fletën e punës.
Kontrolli i Cilësisë
Cilësia është mendimi i dytë i Qepe. I vendos qepjet mbi origjinalin, si pe mbi pëlhurën tënde, dhe kërkon atë që do ta kundërshtonte një klient, një operator ose makina.
Nota është një numër nga 100 me një vlerësim pranë, si Gati për qëndisje, Kontrollo 3 gjëra ose Do të qëndiset keq. E përbëjnë gjashtë kategori: gjeometria, cilësimet, dendësia, rendi i qepjes, detajet e vogla dhe makina.
Çdo gjetje i emërton pjesët, thotë nëse është e matur në qepje apo e parashikuar, shpjegon pse ka rëndësi në veshje dhe sugjeron çfarë të bësh. Rregullo të gjitha pa rrezik zbaton ndreqjet që nuk mund të prishin diçka tjetër, pastaj kontrollon sërish.
Cilësia është vlerësim para prodhimit, jo garanci. Pëlhura, stabilizuesi, peri dhe makina kanë secili rolin e vet: për logon e një klienti të ri, qepja provë mbetet fjala e fundit.
Pyetje dhe përgjigje
Kontrolli i Cilësisë3 përgjigje
A e zëvendëson Qepe një digjitalizues?
Për shumicën e logove bën punën e parë, dhe shpesh gjithë punën. Shkronjat nën rreth 4 mm dhe fotot kanë ende nevojë për syrin e një digjitalizuesi, dhe Cilësia të thotë kur.
Sa zgjat digjitalizimi i një logoje?
Në testin tonë të tetorit 2026 me 105 logo reale, Digjitalizuesi automatik e mbaroi më shumë se gjysmën e tyre për më pak se 30 sekonda, në një laptop të zënë edhe me punë të tjera; një stemë e madhe dhe me shumë detaje mund të zgjasë disa minuta. Shto kohën që të duhet për t’iu përgjigjur pyetjeve dhe për ta parë rezultatin.
A duhet të jem digjitalizues për ta përdorur Qepe?
Jo. Digjitalizuesi automatik të bën pyetjet që do të të bënte një digjitalizues: madhësia, pëlhura, ngjyrat. Cilësia ta shpjegon çdo problem me fjalë të thjeshta, bashkë me atë që duhet bërë. Kur do kontroll të plotë, ke saten, mbushje, bllok, qepje e drejtë, thika dhe segmento për çdo pjesë.
Makinat dhe skedarët6 përgjigje
Me cilat makina punon Qepe?
Me çdo makinë që lexon skedarë DST, PES, EXP, JEF, VP3, U01, XXX, DSB, TAP ose PEC: për shembull Tajima, Ricoma, SWF, Happy, Barudan, ZSK, Brother, Melco, Bernina, Janome, Husqvarna, Pfaff dhe Singer.
Cilët skedarë mund të hap?
Logo në PNG, JPEG, WebP, SVG, PDF dhe AI; dizajne Qepe; dhe skedarë makine nga programe të tjera, në rreth 40 formate.
Cilat korniza përfshihen?
Korniza të rrumbullakëta nga 9 deri në 30 cm, katrore dhe drejtkëndëshe deri në 40 × 50 cm, korniza për kapelë dhe madhësitë e tua. Çdo profil makine i njeh gjilpërat dhe kornizat e veta.
A mund ta kthej një logo JPG ose PNG në skedar DST?
Po. Hape skedarin JPG, PNG, WebP, SVG, PDF ose AI, cakto madhësinë, pëlhurën dhe ngjyrat, dhe Digjitalizuesi automatik e kthen në qepje. Eksporto shkruan skedarin DST (ose PES, EXP, JEF, VP3, U01, XXX, DSB, TAP, PEC) dhe e lexon përsëri për ta kontrolluar. Një logo e pastër jep rezultatin më të mirë; shkronjat nën rreth 4 mm dhe fotot kanë ende nevojë për dorën e një digjitalizuesi.
Çfarë formati i duhet makinës sime të qëndisjes?
DST për Tajima, Ricoma, SWF, Happy dhe shumicën e makinave komerciale; PES për Brother PR; U01 për Barudan; EXP për Melco dhe Bernina; JEF për Janome; VP3 për Husqvarna dhe Pfaff; XXX për Singer; DSB për Barudan, Ricoma dhe ZSK; TAP për Happy; PEC për makinat Brother për shtëpi dhe kartat. Zgjidh makinën tënde në Qepe dhe Qepe përdor formatin, gjilpërat dhe kornizat e duhura.
A mund ta kthejë Qepe një skedar PES në DST?
Po. Qepe hap skedarë makine në rreth 40 formate, kështu që skedari PES, EXP ose tjetër që të dërgon klienti hapet si dizajn që mund ta kontrollosh dhe ta eksportosh si DST, ose në cilindo nga dhjetë formatet që shkruan Qepe.
Shkronjat dhe fontet2 përgjigje
A mund të përdor çdo font për shkronjat?
Qepe vjen me 128 Fontet QEPE, të bëra për qëndisje, secili në madhësitë për të cilat është digjitalizuar. Mund të qëndisë edhe çdo font të instaluar në kompjuter, por shumë licenca fontesh komerciale nuk e lejojnë qëndisjen: kontrollo licencën para se të shesësh një dizajn të bërë me të.
A mund të bëjë Qepe një skedar për çdo emër të një ekipi?
Po. Emrat shkruan një skedar makine për çdo emër të listës, me tekstin të vendosur sërish me fontin, madhësinë dhe vendin e tij.
Ruajtja dhe privatësia3 përgjigje
Çfarë ndodh nëse Qepe rrëzohet?
Puna e paruajtur mbahet si draft pak çaste pas çdo ndryshimi dhe kthehet herën tjetër që hapet Qepe. Ruajtja nuk lë kurrë skedar të shkruar përgjysmë.
A dërgohet diku logoja e klientit?
Jo nga Qepe. Vetëm Qepe AI dërgon diçka, kur i kërkon të punojë në një dizajn, dhe mund t’i thuash ta mbajë origjinalin në kompjuterin tënd.
A ka nevojë Qepe për internet?
Jo për punën. Digjitalizimi, kontrolli dhe eksportimi bëhen të gjitha në kompjuterin tënd, pa lidhje. Hyrja, kontrolli i licencës dhe Qepe AI përdorin internetin.
Blerja dhe licenca6 përgjigje
Sa kushton Qepe?
Licenca kushton 149 € në vit për versionin e plotë, me përditësime dhe ndihmë. Kreditet AI janë opsionale dhe vijnë në paketa.
A ka provë falas?
Po: 7 ditë me gjithçka të hapur, edhe eksporti, në llogarinë tënde Qepe. Një provë për çdo llogari dhe për çdo kompjuter.
Në cilët kompjuterë punon Qepe?
Mac me Apple silicon dhe Windows. Nuk ka version për iPhone, iPad ose Android.
Sa kompjuterë mbulon një licencë?
Një njëherësh. Hyr në një kompjuter tjetër dhe Qepe të ofron ta kalojë licencën atje: deri 3 kalime në 30 ditë, dhe pas kësaj të ndihmon mbështetja jonë.
Cilat gjuhë flet Qepe?
Anglisht, shqip, gjermanisht, spanjisht, frëngjisht, serbisht dhe turqisht. Ndërroje te Cilësimet kur të duash.
A ka program për qëndisje për Mac?
Po. Qepe punon drejtpërdrejt në Mac me Apple silicon (M1 ose më i ri), dhe në PC me Windows. Në Mac nuk i duhet Windows, Parallels apo Boot Camp, që u duhen atje Wilcom EmbroideryStudio dhe Hatch, të dyja vetëm për Windows.